Connect with us

Kosovë

Në anën e Thaçit, shtatë gjyqtarë të Kushtetuetes

Published

on

Shtatë gjyqtarë të Kushtetueses në anën e Thaçit.
.
Gjykata Kushtetuese do t’ia rrëzojë dekretin për mandatarin presidentit Hashim Thaçi, por do t’i hapë rrugë planit të tij për ta bërë një qeveri të re, pjesë e së cilës nuk do të jetë Lëvizja Vetëvendosje, subjekt politik që i ka fituar zgjedhjet.

Shtatë gjyqtarë të Kushtetueses janë mobilizuar për të gjetur arsyetime mbështetëse për këtë.

Një burim në Kushtetuese i ka thënë “Kohës Ditore” të enjten se dekreti me të cilin kreu i shtetit e ka caktuar për mandatar Avdullah Hotin e Lidhjes Demokratike do të shpallet antikushtetues, meqë ai është nxjerrë pa përgjigjen definitive të LVV-së për kandidatin për kryeministër.

Por, Aktgjykimi do të thotë shprehimisht se jodomosdo pas mocionit kundër Qeverisë vendi duhet të shkojë në zgjedhje të parakohshme. Po kështu, do të parashohë edhe mundësinë e bërjes së një qeverie, pa partinë fituese të zgjedhjeve.

Sipas këtij burimi, Kushtetuesja do të “caktojë” një afat 15-ditësh, brenda të cilit partia që presidenti i drejtohet me kërkesën për ta dhënë mandatarin, duhet ta propozojë emrin e kandidatit për kryeministër ose duhet shprehimisht të heqë dorë nga kjo e drejtë.

“Janë shtatë gjyqtarë që po punojnë për të gjetur arsyetime mbështetëse për këtë. Një është kundër, ndërsa një nga nëntë gjyqtarët aktualisht nuk është i përfshirë në lëndë dhe nuk besoj që do të votojë, shkaku se është me probleme shëndetësore dhe ndodhet në trajtim mjekësor”, ka thënë ky burim.

Pas mocionit kundër Qeverisë së drejtuar nga kreu i LVV-së, Albin Kurti, presidenti Thaçi është bazuar në nenin 95 të Kushtetutës, për t’i dhënë zgjidhje situatës. Ndryshe nga dy mocionet e mëhershme, pas së cilave qytetarët u janë drejtuar kutive të votimit, pas këtij kundër Qeverisë Kurti, kreu i shtetit ka thënë se duhet evituar zgjedhjet. Prandaj, konform këtij neni që i referohet situatës së paszgjedhjeve, presidenti i ka kërkuar kreut të LVV-së një mandatar të ri për kryeministër.

Continue Reading

Kosovë

Kurti sivjet në veçanti ua uron Fitër Bajramin mërgimtarëve tanë që nuk patën mundësi të vijnë në vendlindjen e tyre

Published

on

Kryeministri në detyrë, Albin Kurti u ka uruar besimtarëve myslimanë festën e Fitër Bajramit.

Këtë herë ai në veçanti u ka uruar festën bashkatdhetarëve tanë në mërgim që nuk patën mundësi të vijnë për festim në vendlindjen e tyre.

Fjala e plotë e Kurtit:

“Për një muaj në iftar e në syfyr keni shtruar sofrën duke ndarë kafshatën me lutje e shpresë për një agjërim të pranueshëm.

Festa e Bajramit është festë gëzimi, në të cilën mblidhen familjarët e miqtë për urime.

Kësaj radhe, mëngjesi i festës është më ndryshe.

E pazakonta e pandemisë, u kthye në përkushtim të sakrificave të vogla por që kontributi i tyre është i madh.

Edhe pse jeni privuar nga lutjet tuaja në xhami, mirëkuptimi që e keni përcjellë është angazhim i solidaritetit për ruajtjen e shëndetit të secilit prej nesh.

Në vecanti sivjet ua uroj Fitër Bajramin bashkatdhetarëve tanë në mërgim që nuk patën mundësi të vijnë për festim në vendlindjen e tyre.

Ata vazhdojnë të na ndihmojnë aq shumë.

Të gjithë ne, të gjithë atyre ju kemi borxh përjetë.

Nëse dikur festonim bashkë, sot po festojmë vetëm nëpër shtëpitë tona me kujdes të shtuar e disiplinë.

Pacit mbarësi e mirësi, harmoni e begati në familjet tuaja.

Urime Festën”.

Continue Reading

Kosovë

Haxhiu uron Bajramin: Festojmë në rrethana krejtësisht ndryshe

Published

on

Ministrja në detyrë e Drejtësisë Albulena Haxhiu, ka uruar festën e Fitër Bajramit

Haxhiu ka shkruar në Facebook se festa këtë vit është ndryshe.

“Me fat Fitër Bajrami të gjithë qytetarëve të besimit islam. Ndonëse festojmë në rrethana krejtësisht ndryshe, megjithatë uroj një ditë e vit përplot shëndet dhe të mira, për gjithë qytetarët tanë’, ka shkruar Haxhiu.

Continue Reading

Kosovë

Haki Abazi thotë se po tentohet të krijohet precedan nga humbësit e zgjedhjeve

Published

on

Haki Abazi reagon pas mesnatës, thotë se po tentohet të krijohet precedan nga humbësit e zgjedhjeve.

Një reagim pas zërave për marrjen e vendimit nga ana e Gjykatës Kushtetuese për formimin e qeverisë së re, ka ardhur nga zv.kryeministri në detyrë Haki Abazi.

Anipse nuk e ka specifikuar këtë çështje, Abazi ka shkruar se “asnjë skenar i nëndheshëm nuk mundet me ndalë qeverisjen e LVV me përkrahjen masovike qytetare”.

Tutje ai thotë se “tentimi me kriju presedan për qeverisje nga jofituesit e zgjedhjeve është reagim dhe frikë nga rrita dhe fitorja e madhe e LVV në zgjedhjet e ardhshme”.

Shkrimi i plotë

Asnjë skenar i nëndheshëm nuk mundet me ndalë qeverisjen e LVV me përkrahjen masovike qytetare. Tentimi me kriju presedan për qeverisje nga jofituesit e zgjedhjeve është reagim dhe frikë nga rrita dhe fitorja e madhe e LVV në zgjedhjet e ardhshme. Pikërisht në këtë moment të zhvillimeve ka nevojë për të mbrojtur vendin dhe interesat shtetërore nga kapësit e shtetit.

Integriteti personal dhe profesional është e vetmja mënyrë me qenë në anën e drejtë të historisë dhe për të qenë e/i denjë për të mbajtur pozita të rëndësishme shtetërore.Ndryshimi ka ndodhur me 6 tetor, tentimi me ndal ndryshimin ose me kthy me force vendin para 6 tetorit, është papërgjegjësi dhe kontribut në shembjen e rendit kushtetues e demokratik.

Continue Reading

Trending

Copyright © 2019 A1Lajm